BMT EKSPERTİ İSRAİLİN LİVANDA CİNAYƏTLƏRİNİ ARAŞDIRMAĞA ÇAĞIRIR
Ziqler Livanda avqustun ortalarınadək davam etmiş hərbi əməliyyatlardan sonra ölkədə vəziyyəti öyrənmək üçün həmin komissiya tərəfindən təyin olunmuş müstəqil ekspertdir.
Ziqlerin müharibədən sonra Livana səfərinin yekunları haqqında məruzəsində deyilir: “İsrailin qonşu ölkədə fermer təsərrüfatlarını və əkin sahələrini bombalaması, habelə kənd təsərrüfatı və balıq ovu mövsümlərinin qızğın çağında ölkənin dəniz limanlarını bir ay ərzində blokadaya alması livanlıları ciddi məhrumiyyətlərə düçar etmişdir”.
Onun fikrincə, İsrail hökuməti hərbi münaqişə zamanı Livan əhalisinə ərzaq və içməli su aparılmasına imkan vermədiyinə görə beynəlxalq qanunvericiliyə əsasən məsuliyyət daşımalıdır.
Məruzədə bildirilir ki, İsrail Livanın cənubundakı elektrik stansiyasını bombaladıqdan sonra Livanın sahil sularının neftlə çirklənməsi, habelə yəhudi dövlətinin ölkənin cənub bölgələrinə atdığı və partlamamış qalan yüz minlərlə kasset bombası livanlıların həyatına və respublikanın bütün rayonlarının keyfiyyətli ərzaq və içməli su ilə təmin edilməsinə hələ uzun müddət mənfi təsir göstərəcəkdir.
Bölmənin digər xəbərləri
