BMT-NİN BAŞ KATİBİ BEYNƏLXALQ BİOLOJİ MÜXTƏLİFLİK GÜNÜ MÜNASİBƏTİLƏ MÜRACİƏT ETMİŞDİR
Bu il Beynəlxalq Biomüxtəliflik günü “Quraqlıq rayonlarda biomüxtəlifliyi müdafiə edək” devizi ilə keçirilir. Planetimizin quru sahəsinin 40 faizini təşkil edən quraqlıq torpaqların pisləşməsi fəlakətlə nəticələnə bilər. 2300-ə yaxın növ məhv olmaq təhlükəsi qarşısındadır, kənd təsərrüfatına böyük ziyan dəyir, iqtisadi itkilər isə ildə 42 milyard dolları keçir. BMT başçısının məktubunda belə bir faktla bağlı xüsusi narahatlıq ifadə edilir ki, dünya əhalisinin ən yoxsul və müdafiə olunmayan təbəqələri torpağın pisləşməsinin nəticələrinə görə daha çox əziyyət çəkirlər.
BMT-nin baş katibi yoxsulluq problemini həm kəskinləşdirən, həm də müəyyən dərəcədə onunla şərtləşən səhralaşma prosesinin qarşısını almağın vacibliyini vurğulamışdır. Bu il Beynəlxalq Biomüxtəliflik günü Beynəlxalq səhralar və səhralaşma ilində keçirilir. Məktubda deyilir: “Bir-birini tamamlayan bu iki hadisə ekoloji problemlərin sıx qarşılıqlı əlaqəsini və onların həllinə hərtərəfli və qlobal yanaşmanın zəruriliyini önə çəkir”.
Bölmənin digər xəbərləri
