BMT nümayəndəsi: Dayanıqlı şəhərlər üçün tərəfdaşlıq vacibdir
Bakı, 21 may, AZƏRTAC
Dayanıqlı şəhərlərlə bağlı böyük və iddialı məqsədlərə nail olmaq üçün tərəfdaşlıq çərçivəsində işləmək vacibdir. Hesab edirəm ki, WUF13 bu tərəfdaşlıqların qurulması üçün ideal platformadır.
Bunu AZƏRTAC-a açıqlamasında BMT-nin Ümumdünya Şəhərsalma Forumunun 13-cü Sessiyasında (WUF13) iştirak edən Birləşmiş Millətlər Təşkilatının Hindistan üzrə rezident əlaqələndiricisi Stefan Prienser deyib.
O vurğulayıb ki, WUF13 dayanıqlı şəhərlər gündəliyinin irəlilədilməsi baxımından çox mühüm rol oynayır. “Bu mənim ilk WUF tədbirim deyil, bundan əvvəl də iki BMT-nin Ümumdünya Şəhərsalma Forumunun Sessiyasında iştirak etmişəm. Tədbir hökumətləri, BMT sistemini, qeyri-hökumət təşkilatlarını, özəl sektoru və müxtəlif sahələrin mütəxəssislərini bir araya gətirir. Hamımız dayanıqlı şəhərlərin yaradılmasına inanırıq və əsas məsələ bunu birlikdə necə həyata keçirəcəyimizi müəyyənləşdirməkdir”,- deyə Stefan Prienser əlavə edib.
Bölmənin digər xəbərləri
