BOKS ÜZRƏ ÖLKƏ ÇEMPİONATININ STARTI VERİLMİŞDİR
Turnirdə 11 çəki dərəcəsi üzrə, respublikanın müxtəlif şəhər və rayonlarını təmsil edən 35 komandanın tərkibində 144 idmançı mübarizə aparır.
Yarışın ilk günü 8 çəkidə yarışlar keçirilmişdir. Qeyd etmək lazımdır ki, yığma komandanın üzvləri Şahin İmranov, Vüqar Ələkbərov, çıxışı səbirsizlikə gözlənilən Ağası Məmmədov, müxtəlif səbəblərdən bu çempionatda iştirak etmirlər.
Yarışda fərqlənən boksçuların yığma komandanın tərkibində ilk sınağı isə, martın 28-də Bakıda Beynəlxalq Həvəskar Boks Assosiasiyasının (AİBA) prezidenti Ənvər Çoudrinin şərəfinə həsr olunmuş beynəlxalq turnir olacaqdır.
Ölkə çempionatı martın 2-də başa çatacaqdır.
Bölmənin digər xəbərləri
