BORCU OLANLARIN ELEKTRİK ENERJİSİ FEVRALIN 1-DƏN KƏSİLƏCƏKDİR
Ötən ildən borcu qalan abonentlərin elektrik enerjisi ilə təchizatı fevralın 1-dən dayandırılacaqdır.
“Barmek”dən AZƏRTAC-ın müxbirinə bildirmişlər ki, 2002-ci ildən borcu olan abonentlərə cari il yanvarın 31-dək vaxt verilmişdi. Bu müddət ərzində abonentlərin əksəriyyəti öz borclarını ödəmişdir. Lakin ödəməyənlər də çoxdur. Ona görə də şirkət həmin abonentlərin elektrik enerjisi ilə təchizatını dayandırmaq qərarına gəlmişdir.
Bir daha abonentlərin nəzərinə çatdırırıq ki, şirkət fəaliyyətə başlayan gündən abunəçilər əvvəlki ayın enerji haqqını növbəti ayın 1-dən 10-dək Beynəlxalq Bankın, Birləşmiş Universal Səhmdar Bankın və Azərpoçtun şöbələrinə ödəyirlər.
Bölmənin digər xəbərləri
