“Borussiya Dortmund”un müdafiəçisi Əşrəf Hakimi üçün mövsüm başa çatıb
Bakı, 2 aprel, AZƏRTAC
Almaniyanın “Borussiya Dortmund” futbol klubunun müdafiəçisi Əşrəf Hakimi üçün mövsüm vaxtından əvvəl başa çatıb.
AZƏRTAC klubun saytına istinadla xəbər verir ki, 21 yaşlı mərakeşli müdafiəçinin Bundesliqanın XXVII turunda “Volfsburq”la görüşün 50-ci dəqiqəsində ayağı sınıb. Futbolçunun zədəsinin uzun müddətli olduğuna görə həkimlər onun bu mövsüm yaşıl meydanlara qayıtmasının mümkün olmadığını bildiriblər. Mərakeşli futbolçu yaxın zamanda İspaniyada əməliyyat olunacaq.
Qeyd edək ki, Əşrəf Hakimi cari mövsümdə “Borussiya Dortmund”un heyətində iştirak etdiyi 27 görüşdə 3 dəfə fərqlənib.
Bölmənin digər xəbərləri
