Böv zəhəri ağrıkəsici vasitələrin əsasını təşkil edəcəkdir
Bakı, 12 noyabr (AZƏRTAC). Alimlərin böv zəhərini necə yığdıqlarını əks etdirən bu fotoşəkil sonradan ondan ağrıkəsici dərman vasitələrinin növbəti nəslinin yaradılması üçün istifadə olunacağını əks etdirir.
Bir çox insanların əzablarını yüngülləşdirmək istəyən bütün dünya alimləri ilan və hörümçəklərin ölümcül zəhərindən istifadə edirlər. London Elm Muzeyi bu gündən 2013-cü ilin iyulunadək keçiriləcək yeni “Ağrı-minus: rahat gələcək” sərgisinin açılışında bövün “sağılmasını” canlı şəkildə nümayiş etdirmişdir. Sərgidə ağrı ilə mübarizə aparmaq üçün cari vasitə və texnologiya araşdırmaları nümayiş olunur.
Sərgidə həmçin pasiyentlərin amputasiya olunmuş ətrafların varlığı hissini duymasına kömək göstərmək üçün Mançester Universitetində işlənib hazırlanmış yeni virtual reallıq, dəst kimi texnoloji nailiyyətlər barədə məlumat verilir.
Beyin üçün belə fənd ətrafları amputasiya edilmiş insanlar arasında yayılmış psixoloji vəziyyətin idarə olunmasına kömək göstərməyə imkan verir.
Bir çox müasir ağrıkəsici və güclü anestetik vasitələr adamların çoxuna kömək edir, lakin yanaşı təsirlərə malik olur, buna görə də alimlər effektiv, həmçinin vərdişetmə yaratmayan, yaxud yanaşı təsirlər doğurmayan dərman preparatları hazırlamağa çalışırlar.
Bölmənin digər xəbərləri
