“bp-AZƏRBAYCAN” ŞİRKƏTİNDƏ NÖVBƏTİ SEMİNAR KEÇİRİLMİŞDİR
Şirkətin sosial sərmayələr üzrə meneceri Maykl Həknqburq, Norveç mikromaliyyələşdirmə təşkilatının meneceri Bəhmən Əsgərov və Azərbaycanda Mikromaliyyələşdirmə Bankının direktoru Tomas Engelhart mikromaliyyələşdirmənin sosial sahədə rolu və onun icra mexanizmi barədə məlumat vermişlər. Qeyd olunmuşdur ki, mikromaliyyələşdirmə özünü işlə təmin edən yoxsullara maliyyə xidmətlərindən istifadə etməyə imkan yaradır. Son 25 ildə bu üsul dünyanın bir sıra ölkələrində tətbiq edilmiş və özünü doğrultmuşdur. Buraya kiçik borclar və ya əmanətlər formasında kreditlər daxildir.
Hazırda bp və onun tərəfdaşları sosial sərmayələr çərçivəsində mikromaliyyələşmənin təmənnasız bir forması kimi ixrac neft və qaz kəmərləri boyunca yerləşən yaşayış məntəqələrinin iqtisadi və sosial inkişafına xeyli məbləğdə vəsait yönəldir və bu iş davam etməkdədir.
Bölmənin digər xəbərləri
