BRAZİLİYA AZƏRBAYCAN İLƏ ƏLAQƏLƏRİ GENİŞLƏNDİRMƏKDƏ MARAQLIDIR
Xarici İşlər Nazirliyinin mətbuat mərkəzindən AZƏRTAC-a bildirmişlər ki, səfir Brayan Niil işlədiyi müddətdə ona göstərilmiş köməyə və səmərəli əməkdaşlığa görə Azərbaycan tərəfinə minnətdarlığını bildirmiş, Braziliya ilə respublikamız arasındakı münasibətlərin bunda sonra da möhkəmlənməsi və əlaqələrin genişlənməsinin ölkəsi üçün vacib olduğunu qeyd etmiş, əməkdaşlığın davam etdirilməsinə ümidvar olduğunu vurğulamışdır.
Qonaq öz ölkəsinin Azərbaycanla neft sahəsində əməkdaşlığın inkişafında maraqlı olduğunu qeyd edərək, Braziliyanın nüfuzlu neft şirkətlərindən biri olan “Petrobraz” şirkətinin öz regional ofisinin Bakıda da açılması ehtimalının nəzərdən keçiriləcəyini nazir Elmar Məmmədyarovun diqqətinə çatdırmışdır.
Nazir Elmar Məmmədyarov ölkələrimiz arasında münasibətlərin dərinləşməsi istiqamətində səfirin mühüm rolunu yüksək qiymətləndirmiş və Azərbaycanın ikitərəfli əməkdaşlığın perspektivlərinə böyük əhəmiyyət verdiyini vurğulayaraq, qarşılıqlı surətdə faydalı əlaqələrin davam etdirilməsinə tərəfdar olduğunu bildirmişdir.
Sonra nazir Elmar Məmmədyarov səfir Brayan Niilə bundan sonrakı fəaliyyətində uğurlar arzulamışdır.
Bölmənin digər xəbərləri
