İDMAN

Bu gün “Rio-2016” Yay Olimpiya Oyunlarına start verilir VİDEO

05.08.2016 [14:19]
Çap et
A⁺ A^-

Bakı, 5 avqust, AZƏRTAC

Bu gün Braziliyanın Rio-de-Janeyro şəhərində XXXI Yay Olimpiya Oyunlarına start veriləcək.

AZƏRTAC xəbər verir ki, XXXI Yay Olimpiya Oyunlarında yığma komandamız əvvəlki olimpiadalarla müqayisədə daha geniş tərkibdə - idmanın 18 növü üzrə 56 idmançı (57 lisenziya) ilə təmsil olunacaq. Bu, ötən Olimpiya Oyunları ilə müqayisədə 4 idman növü çoxdur. Azərbaycan triatlon, kamandan oxatma, velosiped və kanoe-slalom idman növlərində ilk dəfə təmsil olunacaq.

Olimpiadada ölkəmizi təmsil edəcək 56 idmançıdan 36-sı ilk dəfə Olimpiya Oyunlarının iştirakçısı olacaq. Komandamız daha geniş beynəlmiləl tərkibə malikdir və əsasən titullu idmançılardan ibarətdir. Onların əksəriyyəti nüfuzlu beynəlxalq idman yarışlarında lisenziya qazanmaqla yanaşı, eyni zamanda, həmin yarışların qalibi olaraq dünya və Avropa çempionları adına layiq görülüb.

Rio-de-Janeyroda Azərbaycan güləş, gimnastika və boks olmaqla, 3 hakimlə də təmsil olunacaq. Bundan başqa, idmançılarımızı 34 məşqçi, 6 həkim, fizioterapevtlər, texniki işçilər və digərləri müşayiət edəcək.

Mötəbər yarışın açılış mərasimi bu gün Bakı vaxtı ilə saat 03:00-da başlayacaq. Azərbaycan millisinin bayraqdarı boksçu Teymur Məmmədov olacaq. Olimpiya məşəlini əfsanəvi futbolçu Pelenin alovlandırması gözlənilir.

Millimizin “Rio-2016”dakı heyəti aşağıdakı kimidir:

S/S	Soyadı, adı	İdman növü və fənni
1.	Rüfət Hüseynov	Boks (49 kq)
2.	Elvin Məmişzadə	Boks (52 kq)
3.	Cavid Çələbiyev	Boks (56 kq)
4.	Səlimov Albert	Boks (60 kq)
5.	Lorenzo Sotomayor	Boks (64 kq)
6.	Pərviz Bağırov	Boks (69 kq)
7.	Kamran Şahsuvarlı	Boks (75 kq)
8.	Teymur Məmmədov	Boks (81 kq)
9.	Abdulkadir Abdullayev	Boks (91 kq)
10.	Məhəmmədrəsul Məcidov	Boks (91 kq-dan yuxarı)
11.	Yana Alekseyevna	Boks (60 kq)
12.	Hanna Skidan	Atletika (çəkic tullama)
13.	Nazim Babayev	Atletika (üç təkanla tullanma)
14.	Hayle İbrahimov	Atletika (5000 metrməsafəyə qaçış)
15.	Kiplaqat Evans	Atletika (marafon)
16.	Aleksandr Aleksandrov/Boris Yotov	Akademik avarçəkmə (2000 metrikinəfərlik qayıq)
17.	Valentin Demyanenko	Kanoe (200 metr,birnəfərlik qayıq)
18.	İnna Osipenko-Rodomskaya	Kayak (200 metr,birnəfərlik qayıq)
19.	İnna Osipenko-Rodomskaya	Kayak (500 m. birnəfərlik qayıq)
20.	Yure Meqliç	Kanoe-slalom (birnəfərlik qayıq)
21.	Elvin Mürsəliyev	Yunan-Roma güləşi (75 kq)
22.	Rövşən Bayramov	Yunan-Roma güləşi (59 kq)
23.	Rəsul Cunayev	Yunan-Roma güləşi (66 kq)
24.	Sabah Şəriəti	Yunan-Roma güləşi (130 kq)
25.	Saman Təhmasibi	Yunan-Roma güləşi (85 kq)
26.	Mariya Stadnik	Qadın güləşi (48 kq)
27.	Snişin Nataliya	Qadın güləşi (53 kq)
28.	Yuliya Ratkeviç	Qadın güləşi (58 kq)
29.	Hacı Əliyev	Sərbəst güləş (57 kq)
30.	Toğrul Əsgərov	Sərbəst güləş (65 kq)
31.	Şərif Şərifov	Sərbəst güləş (86 kq)
32.	Xetaq Qazyumov	Sərbəst güləş (97 kq)
33.	Cəmaləddin Maqomedov	Sərbəst güləş (125 kq)
34.	Cəbrayıl Həsənov	Sərbəst güləş (74 kq)
35.	Marina Durunda	Bədii gimnastika
36.	Oleq Stepko	İdman gimnastikası
37.	Petro Paxnyuk	İdman gimnastikası
38.	Radik İsayev	Taekvondo (80 kq-dan yuxarı)
39.	Fəridə Əzizova	Taekvondo (67 kq)
40.	Milad Beigi Harçeqani	Taekvondo (80 kq)
41.	Patimat Abakarova	Taekvondo (49 kq)
42.	Maksim Averin	Velosiped (şosse)
43.	Yelena Pavluxina	Velosiped (şosse)
44.	Olqa İsmayılova	Velosiped (trek keyrin)
45.	Olqa İsmayılova	Velosiped (trek sprint)
46.	Sabina Mikina	Qılıncoynatma (sablya)
47.	Rostislav Pevtsov	Triatlon
48.	Olqa Senyuk	Kamandan oxatma
49.	Ruslan Lunyov	Güllə atıcılığı
50.	Orxan Səfərov	Cüdo (60 kq)
51.	Nicat Şıxəlizadə	Cüdo (66 kq)
52.	Rüstəm Orucov	Cüdo (73 kq)
53.	Məmmədəli Mehdiyev	Cüdo (90 kq)
54.	Elmar Qasımov	Cüdo (100 kq)
55.	Uşanqi Kokauri	Cüdo (100 kq-dan yuxarı)
56.	Fatimə Alkərəmova	Üzgüçülük (100 metr məsafəyə sərbəst üsulla)
57.	Boris Kirilov	Üzgüçülük (200 metrməsafəyə arxası üstə)