Bu həftə keçiriləcək buraxılış imtahanlarının idarə olunmasına 2548 nəzarətçi-müəllim ayrılıb
Bakı, 20 aprel, AZƏRTAC
Dövlət İmtahan Mərkəzi (DİM) tərəfindən aprelin 22-23-də tam (11 illik) orta təhsil səviyyəsi üzrə keçiriləcək buraxılış imtahanlarının idarə olunmasına 126 ümumi imtahan rəhbəri, 340 imtahan rəhbəri, 2548 nəzarətçi-müəllim, 252 buraxılışı rejimi əməkdaşı (mühafizə), 126 bina nümayəndəsi ayrılıb.
Bu barədə AZƏRTAC-a DİM-dən məlumat verilib. Bildirilib ki, hazırda imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə onlayn şəkildə təlim-seminarlar keçirilir. Bütün imtahan binalarına baxış keçirilib, imtahan zallarında abituriyentlərin rahat şəkildə imtahan verməsi üçün zəruri şərait yaradılıb.
Bölmənin digər xəbərləri
