BU İL 652 MƏCBURİ KÖÇKÜN DÖVLƏTDƏN KREDİT ALMIŞDIR
Qaçqınların və Məcburi Köçkünlərin İşləri üzrə Dövlət Komitəsinin beynəlxalq əlaqələr, informasiya və mətbuat departamentindən AZƏRTAC-a bildirmişlər ki, indiyədək qaçqın və məcburi köçkünlərə kənd təsərrüfatı məhsulları istehsalından ötrü müxtəlif rayonların ərazilərində 60 min hektar torpaq sahəsi verilmiş, zəruri xərclər üçün dövlət büdcəsindən iki il müddətinə 2 faizli kredit ayrılmışdır. Ötən il bu kreditdən 393 nəfər istifadə etmişdir. Bu il isə kredit alan köçkün fermerlərin sayı 652 nəfərə çatmışdır. Onlara verilmiş kreditlərin məbləği 1 milyon manat olmuşdur.
Bölmənin digər xəbərləri
