Bu il Britaniyada 20-dək uşaq streptokok infeksiyasından ölüb
Bakı, 16 dekabr, AZƏRTAC
Böyük Britaniyada streptokok infeksiyasından ölən uşaqların sayı 19-a çatıb.
AZƏRTAC xəbər verir ki, bu barədə Böyük Britaniya Səhiyyə Təhlükəsizliyi Agentliyi məlumat yayıb. 2022-ci ildə infeksiyaya 111 nəfər yoluxub. Ölkədə bütün yaş qrupları üzrə 74 ölüm hadisəsi baş verib.
Agentliyin mütəxəssisləri vəziyyətdən çıxış yolunu karantində görürlər. İnfeksiyanın ilk əlamətləri boğaz və əzələ ağrısı, qızdırmadır. Buna görə də infeksiyanı soyuqdəymə ilə qarışdırmaq asandır. Həkimlər uşaqların vəziyyətini izləməyi və ilk simptomlarda tibbi yardım almağı məsləhət görürlər.
Bölmənin digər xəbərləri
