Bu il ölkəmizdə ümumilikdə 66 meşə yanğını hadisəsi qeydə alınıb
Bakı, 14 sentyabr, AZƏRTAC
Bu il Azərbaycanda ümumilikdə 66 meşə yanğını hadisəsi baş verib. Onlardan təxminən 10-a qədəri geniş əraziləri əhatə edib. Digərləri isə lokal xarakterli olub, 0.2-0.5 hektar ərazidə baş verib. Belə yanğınlar adətən düzən ərazilərdə, aran rayonlarında qeydə alınıb və dərhal söndürülməsi təmin olunub. Çünki nəqliyyatın hərəkətinin asan olması həmin yanğının dərhal qarşısının alınmasına kömək edir.
AZƏRTAC xəbər verir ki, bunu Meşələrin İnkişafı Xidmətinin rəisi Xalıqverdi Hüseynov Ekologiya və Təbii Sərvətlər Nazirliyinin rəsmi feysbuk səhifəsində yayımlanan “Ekspert saatı”nda deyib.
Respublika meşələrinin 85 faizinin dağlıq ərazilərdə yerləşdiyini diqqətə çatdıran xidmət rəisi bildirib: “Dağlıq ərazilərdə çətin relyef şəraiti, həmin ərazilərdə nəqliyyatın hərəkətinin demək olar ki, mümkünsüz olması nəticəsində baş verən yanğınlar geniş ərazini əhatə edir. Ümumilikdə dağlıq ərazilərdə yanğınlar say etibarilə çox olmasa da əhatə etdiyi ərazi baxımından üstünlük təşkil edir”.
Bölmənin digər xəbərləri
