Bu ilin 6 ayında yük və sərnişin daşımalarda artım müşahidə olunub
Bakı, 15 iyul, AZƏRTAC
Bu ilin yanvar-iyun ayları ərzində yük və sərnişin daşımaları əvvəlki ilin eyni dövrü ilə müqayisədə müvafiq olaraq 4 faiz və 8,2 faiz artım olub.
Dövlət Statistika Komitəsindən AZƏRTAC-a bildirilib ki, nəqliyyat sektorunda fəaliyyət göstərən təsərrüfat subyektləri tərəfindən 113,2 milyon ton yük daşınıb. Yüklərin 3,6 faizi dəniz, 8,2 faizi dəmir yolu, 0,2 faizi hava, 57,9 faizi avtomobil nəqliyyatı, 30,1 faizi isə boru kəməri ilə daşınıb.
Qeyri-dövlət sektoruna məxsus nəqliyyat vasitələri ilə daşınmış yüklərin həcmi 5,5 faiz artıb, daşınmış yüklərin ümumi həcmində bu sektorun xüsusi çəkisi 78 faiz təşkil edib. Cari ilin yanvar-iyun aylarında nəqliyyatçılar 967,4 milyon sərnişinə xidmət göstərib. Sərnişinlərin 87,7 faizi avtomobil nəqliyyatı, 11,7 faizi metro, qalan hissəsi isə digər nəqliyyat növləri ilə daşınıb.
Bölmənin digər xəbərləri
