Bürünc qazanan qılıncoynadan: Bu cür yarışlarda medal qazanmaq mənim üçün çox önəmlidir
Nova Varoş, 6 aprel, Cavid Əliyev, AZƏRTAC
"Yarış mənim üçün çox yaxşı keçdi".
Bu sözləri AZƏRTAC-a açıqlamasında Serbiyada keçirilən Gimnaziada İdman Oyunlarında bürünc medal qazanan qılıncoynatmanın sablya növü üzrə Azərbaycan millisinin üzvü Gəray Məmmədli deyib. O, Azərbaycana medal qazandırdığı üçün xoşbəxt olduğunu bildirib: "Əvvəlcə rəqibi təbrik edirəm. Hər ikimiz yaxşı mübarizə apardıq. Bu cür yarışlarda medal qazanmaq mənim üçün çox önəmlidir".
Qeyd edək ki, bu gün mübarizə aparan digər idmançılarımız Abdulmalik Nəsibzadəyə və Nəcəf Şabanlı isə 1/4 finalda məğlub olublar.
Bölmənin digər xəbərləri
