Cari ildən Ukraynada uşaq evlərinə qəbul dayandırılacaq
Kiyev, 18 fevral, AZƏRTAC
2020-ci ildən Ukraynada azyaşlıları uşaq evlərinə yerləşdirməyəcəklər, onlar istisna halı olmaqla himayəçi və qoruyucu ailəyə və ya uşaq ailə evinə göndəriləcək.
AZƏRTAC Ukrayna KİV-lərinə istinadla xəbər verir ki, bu haqda regional dövlət nümayəndələri ilə selektor müşavirə zamanı Ukraynanın Sosial Siyasət nazirinin müavini Oleq Koval bəyanat verib.
O, həmçinin bildirib ki, 2023-cü ilə uşaq evlərinin əvəzinə sosial statusundan və yaşından aslı olmayaraq bütün uşaqlara kömək göstərəcək palliativ-reabilitasiya mərkəzləri yaradılacaq.
Öz növbəsində, Ukrayna Prezidentinin uşaq hüquqları üzrə səlahiyyətli nümayəndəsi Nikolay Kuleb bəyan edib ki, hətta ən yaxşı uşaq evi ailə istisi və qayğısını əvəz edə bilməz. O qeyd edib ki, dünya təcrübəsi və hökumət tərəfindən təsdiq edilmiş Milli strategiya uşaqlara qulluğu və onların tərbiyəsini ailə və ya ailəyə yaxın mühitdə təmin edəcək sistemə keçməsini nəzərdə tutub.
Rüstəm Məmmədov
Kiyev
Bölmənin digər xəbərləri
