Cavad Cahangirzadə: Bakı-Məşhəd reysi turizmin inkişafına təkan verəcək
Tehran, 17 dekabr AZƏRTAC
Bakı-Məşhəd reysi nəqliyyat sahəsində İran-Azərbaycan əlaqələrinin inkişafına və turizm sahəsində əməkdaşlığın genişlənməsinə imkan yaradacaq.
AZƏRTAC xəbər verir ki, bu sözləri İranın Azərbaycandakı səfiri Cavad Cahangirzadə deyib. O bildirib ki, bu reys Azərbaycanın "Buta Airways" aviasiya və "Baku Star" turizm şirkətləri ilə İranın aviasiya şirkətin əməkdaşlığı nəticəsində açılıb və turistlərin qarşılıqlı səfərlərinin artmasında əhəmiyyətli rol oynayacaq.
Səfir nəzərə çatdırıb ki, bu gün İran ilə Azərbaycan arasındakı qarşılıqlı əməkdaşlıq əlaqələri yüksələn xətlə inkişaf edir. Gələcəkdə yeni birgə layihələrin şahidi olacağıq.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
