Cənub bölgəsinə yağan qar yaşayış məntəqələrində heç bir problem yaratmamışdır
Lənkəran, 17 dekabr (AZƏRTAC). Cənub bölgəsində bir neçə gün davam edən intensiv yağışlar dekabrın 15-dən 16-na keçən gecə qarla əvəz olunmuşdur.
AZƏRTAC xəbər verir ki, qarın hündürlüyü dağlıq ərazidə 10-15 santimetr, aran yerlərdə isə 4-5 santimetr təşkil etmişdir.
Qarın fasiləsiz olaraq yağması cənub bölgəsinin yaşayış məntəqələrində nəqliyyatın hərəkətində, əhaliyə elektrik enerjisinin və təbii qazın verilməsində, poçt və rabitə xidmətində heç bir problem yaratmamışdır.
Magistral yollar qardan təmizlənərək avtomobillərin və piyadaların hərəkəti üçün maneələr aradan qaldırılmış, yollar boyunca əkilmiş ağaclar qardan təmizlənmişdir.
Bölmənin digər xəbərləri
