CƏNUBİ KOREYA AZƏRBAYCAN VƏ BİRLƏŞMİŞ ƏRƏB ƏMİRLİKLƏRİ İLƏ ENERGETİKA SAHƏSİNDƏ ƏMƏKDAŞLIQ QURUR

15.05.2006 [22:45]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, Cənubi Koreyanın Prezidenti Ro Mu Hyunun bir həftə davam edən səfəri mayın 15-də başa çatmışdır. O, Monqolustan, Azərbaycan və Birləşmiş Ərəb Əmirliklərinə səfər etmişdir. Ulan-Batorda iki ölkə arasında əməkdaşlığın möhkəmləndirilməsinə dair 10-dan artıq niyyət memorandumu imzalanmışdır. Ro Mu Hyunun Bakıda və Əbu-Dabidə apardığı danışıqlardan məqsəd neft və digər təbii ehtiyatlarla zəngin olan bu ölkələrlə əməkdaşlıq yaratmaq idi.

BƏƏ-də energetika, ticarət, tikinti, informasiya texnologiyaları və müdafiə sənayesi sahəsində ikitərəfli əlaqələrin möhkəmləndirilməsi barədə razılıqlar əldə edilmişdir. Seul bu ölkədə neft anbarlarının tikintisində də iştirak edəcəkdir.

Cənubi Koreyanın Prezidenti Fars körfəzi ölkələrinin Əməkdaşlıq Şurasına daxil olan altı ölkə ilə azad ticarət barədə saziş imzalamağı təklif etmişdir. 1981-ci ildə yaradılmış bu regional iqtisadi təşkilata Səudiyyə Ərəbistanı, Bəhreyn, Küveyt, Oman, Qətər və BƏƏ daxildir. Bu ölkələr gələn il vahid bazar yaratmaq, sonra isə öz ümumi valyutasını dövriyyəyə buraxmaq niyyətindədir. Prezidentin sözlərinə görə, Fars körfəzi ölkələri ilə azad ticarət barədə sazişlərin imzalanması həm Seulun, həm də region dövlətlərinin mənafelərinə cavab verir.

CƏNUBİ KOREYA AZƏRBAYCAN VƏ BİRLƏŞMİŞ ƏRƏB ƏMİRLİKLƏRİ İLƏ ENERGETİKA SAHƏSİNDƏ ƏMƏKDAŞLIQ QURUR

MÜƏLLİFLƏ ƏLAQƏ

Bölmənin digər xəbərləri