“CEYRANÇÖL”DƏ HƏR ŞEY UCUZ VƏ TƏZƏDİR
Tovuz rayonunun Qovlar qəsəbəsində “Ceyrançöl” fermer mağazası açılmışdır. Fermer İsmayıl Hüseynov AZƏRTAC-ın müxbirinə demişdir ki, 1996-cı ildən fəaliyyət göstərən təssərüfatımız heyvandarlıq, quşçuluq və əkinçiliklə məşğuldur. Hazırda təsərrüfatda 5800 baş davar, 200 baş qaramal, xeyli hind toyuğu və digər ev quşları var. İstehsal etdiyimiz heyvandarlıq məhsullarını satmaq üçün Qovlar qəsəbəsində mağaza və yeməkxana açmışıq. İndi biz kənarda alıcı axtarmırıq, məhsullarımızı sərfəli qiymətlərlə elə buradaca əhaliyə satırıq. Biz bütün bunlara Prezident Heydər Əliyevin sahibkarlara göstərdiyi qayğı və diqqət sayəsində nail olmuşuq.
Bölmənin digər xəbərləri
