Ceyranların hərəkəti peyk vasitəsilə izlənilir
Bakı, 22 aprel (AZƏRTAC). Ekologiya və Təbii Sərvətlər Nazirliyinin (ETSN) mətbuat xidmətindən AZƏRTAC-a bildirmişlər ki, ötən il dekabrın 24-də Qobustan-Cəngiçay ərazisinə buraxılmış ilk ceyran sürüsü barədə gündə bir neçə dəfə peyk vasitəsilə məlumat alınır.
Hazırda balalama dövrünün yaxınlaşması ilə əlaqədar kiçik qruplar halında gəzən ceyranlar Güzdək qəsəbəsinin sol tərəfindəki təpəliklərdə, Abşeron rayonu ərazisində hərbi təlim mərkəzinin ətrafında və Cəngi yolunun yaxınlığında müşahidə olunur.
Ceyranları qorumaq məqsədi ilə ETSN-in 4 saylı ərazi ekologiya və təbii sərvətlər şöbəsinin əməkdaşlarından ibarət qrup yaradılmışdır.
Fermer və çobanlardan ceyranların həyatı üçün təhlükə törədə biləcək hər hansı fəaliyyətdən çəkinmələrinə dair iltizamlar alınmış, əraziyə maarifləndirici lövhələri vurulmuşdur.
Bölmənin digər xəbərləri
