Cəzaçəkmə müəssisəsinə narkotik və psixotrop maddələrin keçirilməsi cəhdinin qarşısı alınıb
Bakı, 22 fevral, AZƏRTAC
Penitensiar Xidmətin əməliyyat aparatının həyata keçirdiyi əməliyyat-axtarış tədbirləri nəticəsində 8 saylı cəzaçəkmə müəssisəsinə narkotik və psixotrop maddələrin keçirilməsi cəhdinin qarşısı alınıb.
Xidmətin ictimaiyyətlə əlaqələr şöbəsindən AZƏRTAC-a bildiriblər ki, Cinayət Məcəlləsinin 29-cu, 120.1-ci maddəsinə əsasən on il alt ay müddətinə azadlıqdan məhrum edilmiş Hüseynov Alim Tomar oğluna qohumu Bakı şəhər sakini Sultanov Ruslan İbrahim oğlu tərəfindən gətirilmiş sovqata baxış keçirilib. Baxış zamanı şampun qabının içərisində xüsusi üsulla gizlədilmiş bükülülərdə 0,799 qram marixuana və 1,722 qram metamfetamin aşkarlanıb.
Faktla bağlı araşdırma aparılır.
Bölmənin digər xəbərləri
