Çayların mövcud vəziyyəti ilə bağlı aparılmış araşdırmanın nəticələri açıqlanmışdır
Bakı, 22 iyun (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən iyunun 22-də çayların vəziyyəti ilə bağlı araşdırma aparılmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın çaylarında sululuq ongünlük normanın 55-125, Kiçik Qafqazda 55-85, Lənkəran-Astarada 80-130 faizini təşkil etmişdir.
Bundan başqa, son dörd gün ərzində Kür çayının Qıraqkəsəmən məntəqəsində suyun səviyyəsində 17 santimetr azalma müşahidə olunmuşdur. Qanıx çayının Əyriçay məntəqəsində isə iyunun 21-də suyun səviyyəsində 8 santimetr artım, iyunun 22-də 6 santimetr azalma qeydə alınmışdır.
Hazırda Kür çayının aşağı axınındakı Surra məntəqəsində suyun səviyyəsi 392, Şirvanda 245, Salyanda 203, Bankədə 225, Araz çayının Novruzlu məntəqəsində isə 113 santimetrdir.
Bölmənin digər xəbərləri
