Çin Tacikistana 2 milyon doza “CoronaVaс” vaksini göndərib
Düşənbə, 29 iyul, AZƏRTAC
Çin Xalq Respublikasından (ÇXR) Tacikistana humanitar yardım kimi 2 milyon doza “CoronaVaс” vaksini və şpris göndərilib.
AZƏRTAC Tacikistan Səhiyyə və Sosial Müdafiə Nazirliyinin (SSMN) mətbuat xidmətinə istinadla xəbər verir ki, yardımın təhvil alınması mərasimində bu ölkənin Baş nazirinin müavini Matlubaxon Sattarien, ÇXR-in Tacikistandakı Səfirliyinin nümayəndələri və digər rəsmi şəxslər iştirak ediblər.
SSMN-nin idarə rəisi Novruz Cəfərov jurnalistlərə bildirib ki, hazırda Tacikistanda 4 milyon doza vaksin ehtiyatı var. Avqust ayının əvvəllərində isə COVAX proqramı çərçivəsində ölkəyə “AstraZaneca” vaksininin gətirilməsi gözlənilir. Bu günədək Tacikistanda 474 min adam peyvənd olunub.
Qulu Kəngərli
AZƏRTAC-ın xüsusi müxbiri
Düşənbə
Bölmənin digər xəbərləri
