Çin yeni inkişaf modelinə keçidi sürətləndirir
Bakı, 15 iyul, AZƏRTAC
Çin beynəlxalq arenadakı çətin vəziyyətə və kifayət qədər olmayan optimal daxili böyümə amillərinə baxmayaraq, yeni milli inkişaf modelinə keçidi sürətləndirmək niyyətindədir.
AZƏRTAC xəbər verir ki, bu barədə TASS agentliyi Çin Xalq Respublikasının (ÇXR) Dövlət Statistika İdarəsinə (DSİ) istinadla məlumat yayıb.
Rəsmi hesabatda yanvar-iyun aylarında ÇXR-də iqtisadi vəziyyətin sabit olduğu və dəyişikliklər və modernləşmə prosesinin davamlı olaraq irəlilədiyi bildirilir.
İdarənin məlumatına əsasən, ölkə milli spesifikliyə uyğun olaraq dayanıqlı inkişaf niyyətini sabitlik siyasəti ilə birləşdirən yüksək idarəçilik strategiyasını həyata keçirməyə davam etməlidir.
“Yeni inkişaf konsepsiyasını tam, dəqiq və hərtərəfli şəkildə həyata keçirmək, yeni modelin qurulmasını sürətləndirmək lazımdır”, - məlumatda deyilir.
Bir müddət əvvəl, DSİ ölkənin altı ay ərzindəki iqtisadi inkişafı ilə bağlı məlumat yayıb. Çində yanvar-iyun aylarında ÜDM-in artım tempi 5 faizə çatıb ki, bu da 61,68 trilyon yuan və ya 8,64 trilyon dollar deməkdir.
Bölmənin digər xəbərləri
