COP29 iştirakçısı: İqlim konfransında gənclərin qlobal problemin həllindəki rolları müzakirə edilir
Bakı, 21 noyabr, AZƏRTAC
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) dünyanın hər yerindən insanlarla tanış olub, onlarla müzakirələr aparmaqdan çox şad oldum.
Bu fikirləri AZƏRTAC-a müsahibəsində COP29-un iştirakçısı, “A Rocha International” qeyri-hökumət təşkilatının nümayəndəsi Biatris Şaklford deyib. Azərbaycana ilk dəfə gəldiyini söyləyən Biatris Şaklford ölkəmizin COP29-a hazırlığının heyrətamiz olduğunu bildirib: “COP29-da keçirilən panel müzakirələri çox bəyəndim. Xüsusən də müzakirə iştirakçılarından nə istədiklərini eşitmək maraqlı idi. Burada gənclər üçün maarifləndirici tədbirlər keçirilir. Gənclərin bu qlobal problemin həllindəki rolları müzakirə edilir. Panellərdə təhsilin əhəmiyyəti xüsusi vurğulanır. İnanıram ki, COP29-da iqlim probleminin həllinə yönələn konkret addımlar atılacaq”.
Bölmənin digər xəbərləri
