COP29
COP29-un qanalı iştirakçısı: Məqsədimiz gənclərin iqlim dəyişikliyinə qarşı mübarizəsinə dəstək verməkdir
Bakı, 13 noyabr, AZƏRTAC
COP29-da iştirak etməyimizin məqsədi gənclərin iqlim dəyişikliyinə qarşı mübarizəyə dəstək verməkdir.
Bu barədə AZƏRTAC-a açıqlamasında Qananın “Plan for Change” (PAC) gənclər qeyri-hökumət təşkilatının icraçı direktoru Eric Bandim Danyuam deyib.
O bildirib ki, tədbirdə layihə təqdimatı edəcək.
“Əsas hədəfimiz maliyyə vəsaiti əldə etməkdir. COP29-dan gözləntilərim ondan ibarətdir ki, bundan əvvəlki COP-larda verilən vədlər yerinə yetirilsin, bütün dünya liderləri bu vədlərə diqqət yetirsinlər. Bu vədlərin yerinə yetirilməsi üçün inklüzivlikdən istifadə olunmalıdır, yəni birlik olmalıdır. Əvvəlki COP-larda ancaq danışıqlar aparılıb, ümid edirəm ki, builki tədbirdə verilən bütün vədlər yerinə yetiriləcək. Artıq COP29-un üçüncü günüdür, danışıqlar davam edir, yeni əməkdaşlıqlar qurulur”, - deyə Eric Bandim Danyuam qeyd edib.
