COVANNİ MELKİORREN “NEFTÇİ”NİN FİZİKİ GÖSTƏRİCİLƏRİNDƏN RAZI QALMIŞDIR
Bakı, 10 avqust (AZƏRTAC). Bir günlük istirahəti başa vuran “Neftçi” PFK dünən axşam klubun bazasındakı meydançada məşq keçirmişdir. Bu gün səhər isə komanda üzvləri məşqçi Covanni Melkiorrenin rəhbərliyi altında AFFA-nın trenajor zalında fiziki hazırlıq üzrə test keçirmişlər. İtalyan məşqçi futbolçuların fiziki göstəricilərindən razı qaldığını bildirmişdir.
Komanda “Olimpik-Şüvəlan”la oyunun hazırlığını axşam saatlarında davam etdirəcəkdir. Klubun bazasındakı meydançada keçiriləcək məşq saat 18:00-da başlayacaqdır.
Bölmənin digər xəbərləri
