CÜDOÇULAR CEYHUN QATAYEV VƏ CƏLİL CƏLİLOV GƏNCLƏR ARASINDA OLİMPİYA OYUNLARINA YEGANƏ VƏSİQƏYƏ İDDİALIDIRLAR
Bakı, 10 avqust (AZƏRTAC). Azərbaycan 2010-cu ildə Sinqapurda keçiriləcək gənclər arasında ilk Olimpiya oyunlarında bir cüdoçu ilə təmsil olunacaqdır. Budapeştdə keçirilmiş Dünya birinciliyində Azərbaycan yığmasına 2 gümüş medal qazandırmış Ceyhun Qatayev (55 kq) və Cəlil Cəlilov (66 kq) Olimpiya oyunlarında iştirak etmək hüququ verən bir vəsiqəyə iddialıdırlar.
Xatırladaq ki, Olimpiya yarışlarında iki idmançı (oğlan və qız) iştirak edə bilər. Azərbaycan komandasında iki oğlan Olimpiya yarışlarında iştirak etmək hüququ əldə etdiyinə görə məşqçilər Dünya birinciliyinin mükafatçıları arasında seçim etməlidirlər.
Bölmənin digər xəbərləri
