DAİMİ KOMİSSİYANIN İCLASINDA

07.10.2006 [17:58]
Çap et
A⁺ A^-

AZƏRTAC xəbər verir ki, oktyabrın 7-də Milli Məclisin təbii ehtiyatlar, energetika və ekologiya məsələləri daimi komissiyasının iclası keçirilmişdir. Milli Məclis sədrinin müavini, komissiyanın sədri Valeh Ələsgərov demişdir ki, gündəliyə “Bağ təsərrüfatı haqqında” və “İnformasiya əldə etmək haqqında” Qanunun tətbiqi ilə əlaqədar Azərbaycan Respublikasının bəzi qanunvericilik aktlarına əlavə və dəyişikliklər edilməsi barədə” qanun layihələri daxil edilmişdir.

“Bağ təsərrüfatı haqqında” qanun layihəsi ilə bağlı bildirildi ki, indiki cəmiyyətdə bağçılıqla bağlı qanunvericilik bazasının təkmilləşdirilməsinə böyük ehtiyac vardır. Sənəd respublikada bağ təsərrüfatının təşkili, yaradılması və istifadəsinin hüquqi, təşkilati və texniki əsaslarını müəyyən edəcək, bu sahədəki münasibətləri tənzimləyəcək. Sənəddə bağ ərazilərinin təşkili, abadlaşdırılması, istifadəçilərin hüquqi qeydiyyatı, uçotu, bağ təsərrüfatının subyektləri və digər məsələlər əksini tapacaqdır.

“İnformasiya əldə etmək haqqında” Qanunun tətbiqi ilə əlaqədar Azərbaycan Respublikasının bəzi qanunvericilik aktlarına əlavə və dəyişikliklər edilməsi barədə” qanun layihəsi də komissiya üzvləri tərəfindən ətraflı müzakirə olundu.

Deputatlar və mütəxəssislər qanun layihələri barədə rəy və

təkliflərini bildirmişlər.

Hər iki qanun layihəsi təsdiqlənmək üçün Milli Məclisin müzakirəsinə tövsiyə olunmuşdur.