Daşkəsəndə şəhid ailələrinə bayram sovqatları təqdim edilib
Bakı, 25 dekabr, AZƏRTAC
“AzerGold” QSC və “Daşkəsən Dəmir Filiz” MMC-nin birgə təşəbbüsü, Daşkəsən Rayon İcra Hakimiyyətinin təşkilati dəstəyi ilə 31 Dekabr – Dünya Azərbaycanlılarının Həmrəyliyi Günü və Yeni il bayramı münasibətilə Daşkəsən rayonunda növbəti sosial yardım aksiyası həyata keçirilib.
QSC-dən AZƏRTAC-a bildirilib ki, aksiya çərçivəsində Daşkəsən şəhərində qeydiyyatda olan şəhid ailələrinin üzvləri ziyarət edilib. Vətəndaşlara aksiya təşkilatçılarının səmimi təbrikləri çatdırılıb, müxtəlif ərzaq məhsullarından ibarət bayram sovqatları təqdim edilib.
Qeyd edək ki, yerli icra hakimiyyəti orqanlarının dəstəyi ilə həyata keçirilən bu cür sosial aksiyalar dövlətin sosial-iqtisadi yönümlü proqramlarına dəstək məqsədi daşıyır. Səhmdar Cəmiyyəti və onun törəmə müəssisəsi 2025-ci il ərzində əlamətdar günlərdə hasilat və istehsalat fəaliyyəti göstərdiyi bölgələrdə yaşayan əhalinin sosial rifahının yüksəldilməsi məqsədilə ümumilikdə 1000-dən çox ailəyə sovqatlar təqdim edib.
Bölmənin digər xəbərləri
