COP29
“Davamlı və Təhlükəsiz Qida” təşkilatının qurucusu: Bütün dövlətlər diqqətini Azərbaycana yönəltməlidirlər
Bakı, 11 noyabr, AZƏRTAC
Bakıda keçirilən COP29 çərçivəsində “Davamlı və Təhlükəsiz Qida” təşkilatının qurucusu, Böyük Britaniyadan olan Patrik Holden ilə dialoq keçirilib.
AZƏRTAC xəbər verir ki, Patrik Holden ekoloji cəhətdən təmiz qida və digər kənd təsərrüfatı məhsullarının istehsalı haqqında geniş məlumat verib.
Nəzərə çatdırıb ki, sıfır emissiya floranın qorunmasına və kənd təsərrüfatı məhsullarının qatqısız istehsalına imkan verir. Onun fikrincə, müasir dünyada ekoloji təmiz və pestisidsiz məhsul istehsalını artırmaq lazımdır.
“Kəndlərdə əldə edilən süd ekoloji təmiz olarsa ondan hazırlanan süd məhsulları da orqanizm üçün faydalı olar. COP kimi tədbirlər olduqca əhəmiyyətlidir. Bütün dövlətlər diqqətini Azərbaycana yönəltməli və burada keçirilən COP29-da müzakirə olunan məsələlərə diqqətlə yanaşıb, nəticə çıxarmalıdırlar”, - deyə Patrik Holden bildirib.
Bölmənin digər xəbərləri
