DEKABRIN SONUNADƏK BAKI-TBİLİSİ-CEYHAN İXRAC KƏMƏRİ ÜÇÜN TORPAQ SAHƏLƏRİNİN ALINMASINA BAŞLANACAQDIR
“bp-Azərbaycan” şirkətindən AZƏRTAC-ın müxbirinə bildirmişlər ki, gələn ilin birinci rübündə Bakı-Tbilisi-Ceyhan əsas ixrac boru kəmərinin layihəsi üzrə aparılacaq tikinti işlərinin cədvəlinə uyğun olaraq cari ilin son həftələri ərzində üç ölkənin - Azərbaycan, Gürcüstan və Türkiyənin ərazilərində torpaq sahələrinin alınmasına başlanacaq. Bu, layihənin icrası üzrə atılan növbəti addımdır.
Şirkətdən onu da əlavə etmişlər ki, Bakı-Tbilisi-Ceyhan kəməri üçün Yaponiyadan Gürcüstanın Poti limanına boruların ilk dəsti 2003-cü ilin yanvarında gətiriləcəkdir. Layihənin maliyyələşdirilməsi işlərinə isə ilin ikinci yarısında başlamaq nəzərdə tutulur.
Bölmənin digər xəbərləri
