DƏNİZ NƏQLİYYATINDA DAŞIMALARIN 99,5 FAİZİ XARİCİ ƏLAQƏLƏR ÜZRƏ HƏYATA KEÇİRİLMİŞDİR
Bu ilin yanvar-may aylarında Azərbaycanda dəniz nəqliyyatı ilə 5,9 milyon ton yük daşınmışdır ki, bu da ötən ilin müvafiq dövrü ilə müqayisədə 3,3 faiz artıqdır.
Dövlət Statistika Komitəsindən AZƏRTAC-a verilən məlumata görə, daşınmış yüklərin üçdə iki hissəsini neft məhsulları, üçdə bir hissəsini isə quru yüklər təşkil etmiş, daşımaların 99,5 faizi xarici əlaqələr üzrə həyata keçirilmişdir. Yük dövriyyəsi 13,9 faiz artaraq 3,4 milyard ton-kilometr təşkil etmiş, sərnişin daşınması isə 31,2 faiz artmışdır.
Bölmənin digər xəbərləri
