Deputat: Mətbuat reallıqlara əsaslanaraq, fəaliyyətini milli və dövlət maraqları çərçivəsində qurmalıdır
Bakı, 15 may, AZƏRTAC
“Dünyanın çağırışlarına cavab olaraq, müzakirə ediləcək mövzulara milli maraqlar prizmasından yanaşmalı və milli maraqları təmin etmək üçün kifayət qədər addımlar atmalıyıq”.
AZƏRTAC xəbər verir ki, bu fikirləri Azərbaycan milli mətbuatının 150 illik yubileyinə həsr olunmuş “Rəqəmsal dövrdə media və kommunikasiya fəaliyyəti” mövzusunda beynəlxalq konfransın açılış mərasimində Milli Məclisin deputatı Vüqar Rəhimzadə səsləndirib.
“Zaman dəyişir və inkişaf edir. Bu dəyişikliklərə adekvat olaraq, Azərbaycan mətbuatı da reallıqlara əsaslanaraq fəaliyyətini milli və dövlət maraqları çərçivəsində qurmalıdır”, - deyə deputat bildirib.
O qeyd edib ki, bu kimi beynəlxalq konfranslar jurnalistikanın gələcək hədəflərinin müəyyənləşdirilməsində mühüm rol oynayır. İstər sovet dövründə, istərsə də müstəqillik illərində Azərbaycan mətbuatı peşəkar jurnalistika ənənələrini formalaşdırıb. Bu gün isə ölkəmizdə kifayət qədər müstəqil, hüquqlarını bilən, müstəqillik və dəyərləri qoruyan, peşəkar jurnalistlər fəaliyyət göstərir.
Bölmənin digər xəbərləri
