Dəyanət Sadullayev: Şirkətin inkişaf yollarından biri xarici texnologiyaların idxalıdır
Bakı, 29 sentyabr, AZƏRTAC
“Şirkətin inkişaf yollarından biri xarici texnologiyaların idxalı, yəni onların tədarükçülərdən alınmasıdır. Biz bunu heç bir təhdid kimi görmürük, əksinə, şirkət daxilində dəstəkləyirik”.
AZƏRTAC xəbər verir ki, bu fikirləri “PASHA Holding”in baş direktor müavini, İcraedici Komitənin üzvü Dəyanət Sadullayev “PASHA Holding”in təşkilatçılığı ilə keçirilən Beşinci İnnovasiya Sammiti – “INMerge” çərçivəsində bildirib.
D.Sadullayev qeyd edib ki, holdinqdə bir sıra proqramlar həyata keçirilir ki, bu da komanda daxilində sahibkarlıq ruhunun inkişafına, yeni şirkətlərin yaradılmasına və onların maliyyələşməsinə imkan verir. “Müəyyən mərhələdə həmin şirkətlərin bizim biznes planımıza uyğun olduğu halda onları almağımız da mümkündür”, – deyə D.Sadullayev vurğulayıb.
Baş direktor müavini əlavə edib ki, bu yanaşma biznes ekosisteminin bir hissəsidir. “Əgər ölkədə sahibkarlıq mühiti daha da inkişaf edirsə, biz bu şirkətlərə daha çox xidmət göstərə və nəticədə daha çox müştəri cəlb edə bilirik”, – deyə D.Sadullayev əlavə edib.
Bölmənin digər xəbərləri
