Dolu ilə müşayiət olunan güclü külək Daşkəsənin 8 kəndinə ziyan vurmuşdur
Daşkəsən, 11 iyun (AZƏRTAC). İyunun 10-da axşam saat 21 radələrində dolu ilə müşayiət olunan güclü külək Daşkəsən rayonunda da bir sıra fəsadlar törətmişdir.
Rayon fövqəladə hallar komissiyasının sədri Cavanşir Qocayev AZƏRTAC-a demişdir ki, ilkin məlumata əsasən, daha çox dağıntı Qabaqtəpə, Əmirvar, Gürbulaq, Kəmərqaya, Zəylik, Quşçu, Çovdar və Bayan kəndlərində olmuşdur.
Bundan əlavə, təbii fəlakət Daşkəsən şəhərində, eləcə də Mədənçilər və Alunitdağ qəsəbələrində bir sıra fəsadlar törətmiş, işıq və yol təsərrüfatları ilə yanaşı, əhalinin digər əmlaklarına da xeyli ziyan dəymişdir.
Hazırda dəymiş ziyanın aradan qaldırılması istiqamətində operativ tədbirlər görülür.
Bölmənin digər xəbərləri
