DÖVLƏT İSTİQRAZLARININ YERLƏŞDİRİLMƏSİ ÜZRƏ NÖVBƏTİ HƏRRAC KEÇİRİLMİŞDİR
Bakı Fond Birjasında (BFB) Maliyyə Nazirliyinin 10200105S saylı dövlət qeydiyyatından keçmiş qısamüddətli dövlət istiqrazlarının yerləşdirilməsi üzrə hərrac keçirilmişdir. BFB-dən AZƏRTAC-a daxil olmuş məlumatda bildirilir ki, hərracda 15 iştirakçı çıxış etmiş, sifarişlərin nominal üzrə ümumi məbləği 54 776 000 000 manat olmuşdur.
Sifarişlər 97,61 faiz (gəlirlik 8,26 faiz) - 98,28 faiz (gəlirlik 7,01 faiz) qiymət intervalında təqdim edilmişdir.
İstiqraz vərəqələrinin rəqabətli sifarişlər üzrə kəsmə qiyməti 97,93 faiz (gəlirlik 8, 47 faiz), orta ölçülmüş qiyməti 97,98 faiz (gəlirlik 8,26 faiz) səviyyəsində Maliyyə Nazirliyi tərəfindən müəyyən olunmuşdur.
İstiqrazların nominal üzrə reallaşdırılmış həcmi, 6 955 000 000 manat həcmində qeyri-rəqabətli sifarişlər daxil olmaqla, 45 000 000 000 manat məbləğində müəyyən edilmişdir.
İstiqraz vərəqələrinin ödəmə tarixi 5 may 2003-cü ildir.
İstiqraz vərəqələrinə mülkiyyət hüquqları depozitaridə “depo” hesablarında yazı formasında qeyd olunur.
Bölmənin digər xəbərləri
