DÖVLƏTLƏRARASI MÜQAVİLƏLƏR OLMADAN XARİCİ TELERADİO KANALLARININ VERİLİŞLƏRİNİN AZƏRBAYCANA MƏXSUS TEZLİKLƏRDƏ YAYIMLANMASI QANUNSUZDUR
Bunları nəzərə alaraq, Milli Televiziya və Radio Şurası Azərbaycan Televiziya və Radio Verilişləri QSC-nin “Azərbaycan” radiosunun, “Antenn” radiosunun, “ANS” televiziyası və “ANS” ÇM radiosunun onlara ayrılmış tezliklərdə xarici ölkə verilişlərinin yayımlarını 2007-ci il yanvarın 1-dək dayandırmaları barədə qərar qəbul etmişdir. “Azadlıq”, “Bi-Bi-Si” və “Amerikanın səsi” radiolarına, habelə “Amerikanın səsi” televiziyasına öz verilişlərinin Azərbaycana məxsus tezliklərdə yayımlamasını beynəlxalq normalara və Azərbaycan Respublikası qanunvericiliyindən irəli gələn tələblərə uyğun olaraq hüquqi cəhətdən tənzimləmək tövsiyə olunmuşdur.
Şura iclasında “Space” və “Lider” telekanallarının reklam fəaliyyəti sahəsində “Televiziya və radio yayımı haqqında” Azərbaycan Respublikası Qanunundan irəli gələn tələblərə əməl etmələrinə dair məsələdə müzakirə olunmuşdur. Reklam fəaliyyəti sahəsində qanunvericiliyin tələblərini pozduqlarına görə, hər iki telekanalın şərti maliyyə vahidinin 200 misli məbləğində cərimələnməsi barədə qərar qəbul edilmişdir.
