DÜNYA BANKI LİVANIN BƏRPASINA 70 MİLYON DOLLAR AYIRMIŞDIR

30.09.2006 [12:11]
Çap et
A⁺ A^-

AZƏRTAC “Novosti” agentliyinə istinadla xəbər verir ki, BMT-nin mətbuat üçün sənədində Dünya Bankının Livanın bərpa fonduna 70 milyon dollar məbləğində qrant ayırdığı bildirilir. Bu vəsait Livan hökumətinin dağıdılmış infrastrukturun bərpasına dair proqramınının dəstəklənməsinə yönəldiləcəkdir.

BMT-nın məlumatına görə, təxminən 200 min livanlı hələ də “daxili yerdəyişənlər” statusu daşıyır, çünki öz mənzilini itiriblər.

Bundan əvvəl Dünya Bankı ölkənin cənubunun bərpasına 50 milyon dollar ayırmış, Avropa İttifaqı isə 42 milyon dollar vəd etmişdir.

Livan hökumətinin hesablamalarına görə, İsrail ilə münaqişə zamanı dağıdılmış infrastrukturun bərpası üçün çox böyük məbləğdə yardım lazımdır.