Dünya İqtisadi Forumunun nümayəndəsi: Könüllülərin iştirakçıları gülərüzlə qarşılamağı yüksək əhvali-ruhiyyə verir
Bakı, 13 noyabr, AZƏRTAC
Mən Dünya İqtisadi Forumunu təmsil edirəm. Baş ofisimiz Cenevrədə yerləşir. Bu, mənim COP-da ilk iştirakımdır, ümid edirəm ki, sonuncu iştirakım olmayacaq.
Bu barədə AZƏRTAC-a açıqlaması zamanı Dünya İqtisadi Forumunun nümayəndəsi Metyu Stivenson deyib.
O bildirib k, biz Dünya İqtisadi Forumu olaraq intensiv müzakirələrdə iştirak edirik.
“Bildiyim qədər COP29 maliyyə COP-u sayılır. Bu tədbir çərçivəsində Ticarət, İnvestisiya və Maliyyə tematik günü keçirilir. Bu gün bizim sessiyamız təşkil olunub. Sessiya iqlim hədəfləri üzrə investisiya məsələləri əhatə edirdi. COP29 yüksək səviyyədə təşkil olunub. Mən, xüsusilə könüllüləri vurğulamaq istəyirəm. Onlar bizi gülərüzlə qarşılayırlar ki, bu da bizə yüksək əhvali-ruhiyyə verir”, - deyə M.Stivenson qeyd edib.
Bölmənin digər xəbərləri
