DÜNYADA ƏN QƏDİM POÇT MARKASI HARADA HAZIRLANMIŞDIR?

22.01.2004 [10:32]
Çap et
A⁺ A^-

AZƏRTAC-ın Tehrandan aldığı xəbərə görə, İran filatelçiləri dünyada ən qədim markanın məhz onların ölkəsində hazırlandığını iddia edirlər. Bunu İran İslam Respublikası poçt şirkətinin nümayəndəsi Qafari də təsdiqləmişdir. Onun sözlərinə görə, ilk poçt markası eramızdan əvvəl 336-cı ildə Əhəmənilər sülaləsinin Makedoniyalı İskəndərin qoşunları tərəfindən məğlub edilmiş sonuncu padşahı III Daranın hökmranlığı dövründə hazırlanmışdır.

İranda ilk poçtalyonlar da Əhəmənilər zamanı meydana çıxmışlar. Piyada qasidlər məktubları imperiyanın hər yerinə aparmaqla yanaşı, hökmdarlara ölkənin ayrı-ayrı bölgələrindəki vəziyyət haqqında məlumat da verməli idilər.

Kağızdan hazırlanmış “Bageri” adlı poçt markalarının ilk seriyası 135 il öncə Nəsrəddin şahın dövründə buraxılmışdır.

Qafarinin qeyd etdiyi kimi, kolleksiyaçılar arasında İran markaları dünyada ən bahalı markalar hesab edilir. İranda müxtəlif mövzularda poçt markalarının 1873 seriyası buraxılmışdır. Onların 600-ü son 25 ildə hazırlanmışdır.

DÜNYADA ƏN QƏDİM POÇT MARKASI HARADA HAZIRLANMIŞDIR?

MÜƏLLİFLƏ ƏLAQƏ

Bölmənin digər xəbərləri