DÜNYANIN 100 ƏN GÜCLÜ ŞAHMATÇILARI SIRASINDA BEŞ AZƏRBAYCANLI DA VARDIR
Bakı, 8 avqust (AZƏRTAC). Beynəlxalq Şahmat Federasiyası (FİDE) 2009-cu ilin iyul ayı üçün dünyanın ən güclü 100 şahmatçısının reytinq cədvəlini açıqlamışdır.
Bu sırada beş Azərbaycan qrossmeysteri də vardır. Teymur Rəcəbov (2756) 8-ci, Vüqar Həşimov (2740) 11-ci, Şəhriyar Məmmədyarov 19-cu (2717), Qadir Hüseynov 66-cı (2664), Rauf Məmmədov 96-cı (2645) yerdə qərarlaşmışdır.
Reytinq cədvəlinə isə Bolqarıstan şahmatçısı Veselin Topalov (2813) başçılıq edir. Hindistanlı Vişi Anand (2788) 2-ci, norveçli Maqnus Karlsen isə (2772) 3-cü pilləni tutur.
Bölmənin digər xəbərləri
