Düşənbədəki botanika bağında Azərbaycanın Tacikistandakı səfirliyi üçün ayrılmış sahədə abadlıq işləri aparılmışdır
Düşənbə, 3 iyun (AZƏRTAC). Tacikistan Prezidenti İmoməli Raxmonun göstərişinə əsasən, bu ölkənin müstəqilliyinin 20-ci ildönümü münasibətilə Düşənbədə akkreditə olunmuş diplomatik missiyalara şəhərin botanika bağında nadir ağac və güllər əkmək üçün sahələr ayrılmışdır.
Botanika bağında Azərbaycan səfirliyi onun üçün ayrılmış sahədə ağac və çoxsaylı gül əkmiş, sahənin hər iki tərəfində rus və ingilis dillərində səfirliyimizə aid olduğunu bildirən lövhə vurulmuşdur.
Tacikistan Prezidenti İmoməli Raxmon botanika bağına gələrək Azərbaycana aid olan sahəyə baxmış, əkilən ağac və gülləri bəyənmiş, bu işə yüksək qiymət vermişdir.
Qulu Kəngərli
AZƏRTAC-ın xüsusi müxbiri
Düşənbə
Bölmənin digər xəbərləri
