“ƏDƏBİ İRƏVAN-2004” ALMANAXININ TƏQDİMAT MƏRASİMİ KEÇİRİLMİŞDİR
Xalq şairi, Yazıçılar Birliyinin birinci katibi Fikrət Qocanın “Mənəviyyatın aynası...” sərlövhəli ön sözündə vurğulanır ki, qədim Oğuz yurdunun övladları harada yaşamalarından asılı olmayaraq, mədəniyyət, memarlıq abidələri yaratmış, gələcək nəsillərə ədəbiyyat incilərini də yadigar qoymağı unutmamışlar. Onların yaratdıqları dəyərli sənət inciləri Azərbaycan mədəniyyətinin mühüm qollarından biri hesab edilir.
Mərasimdə almanaxın tərtibçisi və redaktoru Əli Vəkil kitabın hazırlanması prosesindən, qarşıdakı illərdə növbəti cildlərə hazırlıq apardığından danışmış, təqdimatı keçirilən toplunun işıq üzü görməsində əməyi olanlara minnətdarlığını bildirmişdir.
Şairlərdən Ramiz Heydər, Həsən Mirzə və başqaları 150-dən artıq müəllifin əsərlərinin toplandığı belə almanaxların növbəti illərdə də nəşr etdirilməsinin əhəmiyyətindən danışmışlar.
Bölmənin digər xəbərləri
