Ədib Benbrahim: Binaların yenilənməsi zamanı ən uyğun həll yollarından istifadə olunmalıdır
Bakı, 20 may, AZƏRTAC
Şəhərlərin bərpası prosesində bir sıra ciddi problemlər mövcuddur. Bunlara binaların və tarixi məhəllələrin dağıdılması, eləcə də insanların öz yaşayış yerlərindən köçürülməsi daxildir. Tarixi məhəllələrin qorunması üçün daha düşünülmüş və davamlı yanaşmalar tətbiq edilməlidir.
AZƏRTAC xəbər verir ki, bunu Mərakeş Krallığında Milli Ərazi, Şəhərsalma, Mənzil Təsərrüfatı və Şəhər Siyasəti üzrə Nazirin Mənzil məsələlərinə cavabdeh Dövlət katibi Ədib Benbrahim BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində “Mədəni irsin və inklüziv şəhər regenerasiyasının yenidən düşünülməsi” mövzusunda keçirilən panel sessiya zamanı deyib.
O bildirib ki, binaların yenilənməsi zamanı ən uyğun və balanslı həll yollarından istifadə olunmalıdır. “Hər hansı tarixi binanı yeniləyərkən onu tamamilə sıfırdan qurmaq düzgün yanaşma deyil. Əsas məqsəd həmin binanın memarlıq xüsusiyyətlərini, tarixi ruhunu və kimliyini qoruyaraq yenidən bərpa etməkdir”,- deyə Ədib Benbrahim əlavə edib.
Müxbir - Fidan Əlizadə
Bölmənin digər xəbərləri
