EDUARD ŞEVARDNADZENİN KÜRƏKƏNİ TUTULMUŞDUR
Gürcüstanın sabiq prezidenti Eduard Şevardnadzenin kürəkəni, “Maqti” mobil telefon şirkətinin baş direktoru Giya Coxtaberidzeni polis fevralın 20-də səhər tezdən Tbilisi-Paris marşrutu üzrə uçan təyyarə ilə Fransaya getməyə cəhd göstərərkən Tbilisi aeroportunda yaxalamışdır. Onun bileti ikibaşa olmuşdur, 15 kiloqram çəkidə yük aparırmış. Qeyd etmək lazımdır ki, polisin onu tutması üçün sanksiyası olmamışdır.
Yanvar və fevral aylarında Gürcüstan Baş prokurorluğunda iki dəfə dindirilən G.Coxtaberidzenin tutulacağı ehtimal olunsa da, onun barəsində qəti həbs cəzası kəsilməmiş, azadlığa buraxılmışdı. Sabiq prezidentin kürəkəni rəhbərlik etdiyi idarədə maliyyə fırıldaqlarına görə tutulmuşdur.
Bölmənin digər xəbərləri
