ƏDV-nin qaytarılması üçün portalda 3 milyona yaxın istifadəçi qeydə alınıb
Bakı, 17 iyul, AZƏRTAC
Bu günədək alınmış mallara görə ödənilmiş ƏDV-nin bir hissəsinin qaytarılması üçün edvgerial.az portalında 3 milyona yaxın istifadəçi qeydə alınıb.
Dövlət Vergi Xidmətindən AZƏRTAC-a bildirilib ki, layihənin tətbiq edildiyi vaxtdan bu il iyulun 1-dək pərakəndə ticarət və iaşə obyektlərindən alınmış mallara (neft və qaz məhsulları, avtomobillər, alkoqollu içkilər və tütün məmulatları istisna olmaqla), eləcə də səhiyyə müəssisələri və özəl tibbi praktika ilə məşğul olan fiziki şəxslər tərəfindən göstərilən xidmətlərə görə ödənilmiş ƏDV-nin 603,7 milyon manatı fiziki şəxs olan istehlakçılara geri qaytarılıb.
Cari ilin yanvar-iyun ayları ərzində isə ümumilikdə 253 milyon 405 min 778 kassa çeki üzrə 88 milyon manat ƏDV məbləği geri qaytarılıb.
Bölmənin digər xəbərləri
