Əfqanıstanda aeroporta partlayıcı keçirmək istəyən şəxs tutulub
Bakı, 2 iyul, AZƏRTAC
Əfqanıstanın təhlükəsizlik xidmətləri Herat şəhər aeroportunda, yaxud təyyarədə mümkün partlayışın qarşısını alıb.
AZƏRTAC xəbər verir ki, bu barədə yerli 1TV telekanalı güc strukturlarına istinadla məlumat yayıb. Şübhəli şəxsin saxlandığı bildirilir.
Telekanalın məlumatına görə, artist qiyafəsinə girmiş cinayətkar Kabil reysinə skripkada gizlədilmiş partlayıcı keçirməyə cəhd edərkən tutulub. Xüsusi xidmət orqanları onu “təkrar yoxlama” zamanı yaxalayıb.
Hadisənin digər təfərrüatları açıqlanmır.
Bölmənin digər xəbərləri
